Stepnogorskide balalardyń kózinshe tóbelesken bapkerler jazaǵa tartyldy, - dep habarlaıdy aqshamnews.kz tilshisi.
Oqıǵa balalar arasyndaǵy grepplıng týrnıri kezinde bolǵan.
Jelide taraǵan beınejazbada birneshe er adamnyń sózge kelip, bir-birin ıterip jatqany kórinedi. Olardy ajyratýǵa ata-analar men týrnırge qatysýshylar aralasqan.
Tekserý nátıjesinde polısıa QR Ákimshilik quqyqbuzýshylyq týraly kodekstiń 434-babynyń 1-bóligi ("Usaq buzaqylyq") boıynsha is qozǵady.
"S. jáne Sh. qalalyq týrnır kezinde beıádep sózder aıtyp, qoǵamdyq tártip pen aınaladaǵy adamdardyń tynyshtyǵyn buzatyn, qurmetsizdik bildiretin áreketter jasaǵan", – delingen sot qaýlysynda.
Sot otyrysy barysynda eki bapker de kinásin moıyndap, keshirim surap, qatań jaza qoldanbaýdy ótingen.
"Sot qaýlysymen S. men Sh. kináli dep tanylyp, árqaısysyna 78 640 teńge kóleminde aıyppul salyndy", – dep málim etti sotta.
Sot aktileri ázirge zańdy kúshine engen joq.