Ońtústik Koreıa, Japonıa, Sıngapýrdan sheteldik taǵylymdamadan ótip kelgen Almaty qalasynyń 7 jattyqtyrýshy-muǵalimi fızıka páni muǵalimderine dáris ótip, tájirıbesin bólisti.
Qalalyq bilim berýdegi jańa tehnologıalardyń ǵylymı-ádistemelik ortalyǵynyń jospary negizindegi «Integrasıalanǵan STEM-sabaqtardy jobalaý daǵdylaryn qalyptastyrý arqyly oqýshylardyń syndarly oılaýyn arttyrý» taqyrybyndaǵy semınar jaratylystaný-ǵylymı baǵyttaǵy pánder bóliminiń ádiskeri Názıma Jaqypovanyń jetekshiligimen №178 mamandandyrylǵan lıseı bazasynda ótti.
Fızıka páni muǵalimderiniń kásibı quzyrettiligin arttyrý, sheteldik tájirıbede jınaqtalǵan ınovasıalyq STEM-tásilderdi oqý úderisine engizý jáne tájirıbelik tapsyrmalar arqyly áriptestermen bólisýdi maqsat etken semınarda oqýshylardyń syndarly oılaý daǵdylaryn qalyptastyrý úshin ıntegrasıalanǵan STEM-sabaqtardy jobalaý tásilderiniń ózektiligi aıtyldy.
Tájirıbelik semınar alańynda ınteraktıvti jáne eksperımenttik tapsyrmalar tizbegi uıymdastyryldy. Onyń barysynda STEM tájirıbesi: «Uzyndyǵy ártúrli shyryn tútikterin paıdalana otyryp, qulaq taıaqshalarynyń ushý qashyqtyǵyn zertteý» barysy týraly aıtyldy. Bul tájirıbe ınjenerlik oılaý men jobalaý, synaý jáne ońtaılandyrý daǵdylaryn qalyptastyrýǵa baǵyttaldy. Sonymen qatar «Iintirekti paıdalaný arqyly tepe-teńdik jaǵdaıyn zertteý» tájirıbesi fızıkalyq tepe-teńdik jáne jobalyq oılaýdy damytýǵa negizdelgen bolsa, «Qozǵalmaıtyn bloktardy paıdalaný arqyly oqý saýattylyǵyn tekserý» - bul jumys oqýshylardyń oqý jáne zertteý daǵdylaryn pánaralyq ıntegrasıa arqyly jetildirýge baǵyttaldy.
Ortalyq ádiskeri Nazıma Jaqypova kaskadty oqytýdyń tıimdiligine toqtaldy. Mundaı sharalar pedagogtardyń kásibı qaýymdastyǵyn nyǵaıtyp, teorıa men tájirıbeni ushtastyrýǵa múmkindik beredi. «Bilim berý úderisindegi kúndilikti ózgerister muǵalimderdiń jigerin janyp, olardy jańashyldyqqa, bilim kemesiniń jelkeninde qalyqtaýǵa baǵyttaý meniń maqsatym. Qala mektep muǵalimderiniń bolashaq jas urpaqty tárbıeleýdegi jáne bilim sapasyn arttyrýdaǵy júıeli ilgeri damýy, halyqaralyq ozyq tájıirbege negizdep búgingi tańda túrli semınar-trenıngter ótkizip otyrmyz. Fızıka pániniń muǵailmderine arnalǵan bul praktıka sabaqtary óz synyptarynda qoldanýǵa jáne oqýshylardyń oqý jáne fýnksıonaldy saýattylyqtaryn ashýǵa arnalǵan» dedi ádisker.
№80 jalpy bilim beretin fızıka pániniń muǵalimi, jas maman Órken Adaev semınardan alǵan áserimen bólisip, STEM bilim baǵdarlamasyn mektep oqýshylaryna úıretý, tájirıbe júzinde qoldaný, sonymen birge oqýshylarǵa fızıka, matematıka pánderi arqyly qajetti aqparatty berýdiń mańyzyna toqtaldy.
№57 jalpy bilim beretin mekteptiń fızıka pániniń muǵalimi, trener Jasulan Jumahan Ońtústik Koreıa, Japonıa, Sıngapýr tájirıbesiniń qala mektepteri úshin qajettiligin atap ótti. Osy oraıda STEM, STEAM, STREAM bilim berý baǵdarlamalarymen tanystyryp ótken trener oqý jáne jazý saýattylyǵyna arnalǵan STREAM-di negize ala otyryp jahandyq mańyzdylyqqa ıe bolyp turǵan jasandy ıntelektke negizdep oqytýdyń erekshelikteri týraly aıtyp berdi.
Trenerler semınar barysynda oqýshylardyń syndarly oılaý daǵdylaryn qalyptastyrýǵa arnalǵan tapsyrmalardy ázirlep, toptyq jumystar men praktıkalyq taldaýlar júrgizdi.
Qatysýshylar halyqaralyq tásilderdi elimizdiń oqý júıesine beıimdeý joldaryn qarastyrdy. Uıymdastyrýshylar atap ótkendeı, semınar muǵalimderdiń kásibı damýyna, jańa ádisterdi meńgerýine jáne oqýshylardyń oılaý daǵdylaryn damytýǵa baǵyttalǵan tıimdi platforma retinde fızıka páni muǵalimderiniń shyǵarmashylyq jáne ınovasıalyq izdenisteriniń nyǵaıýyna yqpal etedi.