QR Densaýlyq saqtaý mınıstri Ajar Ǵınıat koronavırýstyń «stels-omıkron» shtamyna qatysty pikir bildirdi.
Resmı málimetke sáıkes, osy ýaqytqa deıin «stels-omıkron» 12 aımaqta tirkelgen, dep habarlaıdy Almaty-akshamy.kz
«Koronavırýs ınfeksıasynyń bul túri delta shtamǵa qaraǵanda jeńil ótedi. Biraq onyń da qaýpi bar, sebebi jyldam taralady. Koronavırýsty ekinshi ret juqtyrýǵa ákelip soqtyrady», - dedi A.Ǵınıat.
Mınıstrdiń aıtýynsha, «stels-omıkron» respýblıka boıynsha tarala bastady. Biraq mamandar epıdemıologıalyq jaǵdaıdy baqylap keledi.
«Stels-omıkronnyń» sımptomdary bar naýqastar ózderi de keledi, ózimiz de anyqtaımyz. Ol adamdardyń barlyǵy qajetti em-domdy tolyqtaı alyp jatyr. Aýrýdyń qazirgi sıpaty karantındik sharalardy qajet etpeıdi. Sondyqtan eshqandaı shekteýler joq», - dep atap kórsetti mınıstr.
Osy oraıda mınıstr betperde taǵý rejımin engizýdiń de qajeti joq dedi. Biraq barlyǵy epıdemıologıalyq jaǵdaıǵa baılanysty bolady.