Soltústik Qazaqstan oblysynda tórt adam dónerden ýlanyp qaldy, dep habarlaıdy Aqshamnews.kz tilshisi.
Oqıǵa Maǵjan Jumabaev aýdanyndaǵy Býlaevo qalasynda ótip jatqan “Jastar-2025” oblystyq spartakıadasy kezinde boldy. Oblystyq sanıtarıalyq-epıdemıologıalyq baqylaý departamentiniń málimetinshe, zardap shekkenderdiń úsheýi – bala, bireýi – eresek. Aldyn ala derek boıynsha, olardyń barlyǵy 8 tamyzda aýyldyq stadıon aýmaǵyndaǵy saýda núktesinen dóner jegen.
Maǵjan Jumabaev aýdandyq sanıtarıalyq-epıdemıologıalyq baqylaý basqarmasy epıdemıologıalyq tekseris bastap, barlyq qajetti synamalar alyndy.
Oblystyq densaýlyq saqtaý basqarmasynyń habarlaýynsha, ýlanǵandardyń barlyǵy Petropavldaǵy ınfeksıalyq aýrýhanaǵa jatqyzylǵan.
“Barlyq naýqastyń jaǵdaıy turaqty, ortasha aýyrlyqta, oń dınamıka baıqalady”, – delingen vedomstvo habarlamasynda.
Aıta keteıik, buǵan deıin Pavlodarda qyz uzatý kezinde jappaı ýlaný deregi tirkelgen bolatyn. Sol kezde meıramhana ıesi sanıtarıalyq talaptardy buzyp, ruqsatsyz jumys istegeni anyqtalǵan.