S&P boljamyna sáıkes, Qazaqstan ekonomıkasynyń ósý qarqyny 2021 jyly 3,5% quraıtyn bolady.
S&P halyqaralyq reıtıń agenttigi Qazaqstan Respýblıkasynyń táýelsiz kredıt reıtıńin «VVV-» deńgeıinde rastady, boljamy «Turaqty», dep habarlaıdy Almaty-akshamy.kz
Qazaqstan Ulttyq Banki málimetinde aıtylǵandaı, S&P sarapshylarynyń baǵalaýynsha, Qazaqstannyń reıtıńin qoldaǵan negizgi faktorlar – bul turaqty fıskaldyq jáne syrtqy rezervter. S&P sarapshylary ózgermeli aıyrbas baǵamynyń rejımi ekonomıkanyń 2020 jyly munaı baǵasynyń kúrt tómendeýine baılanysty paıda bolǵan syrtqy qysymǵa beıimdelýge kómekteskenin atap kórsetti.
Birtindep júrgizilip kele jatqan fıskaldyq shoǵyrlandyrý, Ulttyq qordan búdjetke transfertter kólemin shekteıtin fıskaldyq erejeni engizý jáne munaı óndirý kóleminiń ulǵaıýy Qazaqstannyń syrtqy pozısıasyn nyǵaıtýǵa áserin tıgizedi.
S&P pikiri boıynsha, 2021 jyldyń qorytyndysy boıynsha ınflásıa 8,5%-dy quraıdy. Bul kórsetkish yntalandyrýshy fıskaldyq saıasattyń áserine, ımporttalatyn taýarlar baǵalarynyń ósýine, sondaı-aq azamattardyń zeınetaqy jınaqtaryn merziminen buryn sheshýine baılanysty.
Agenttik Ulttyq banktiń ashyqtyǵyn arttyrýy, atap aıtqanda, Ulttyq qordyń valútalyq operasıalaryn jarıalaý, Ulttyq banktiń Qarjy mınıstrligimen kiristilik qısyǵyn qurý boıynsha birlesken jumysy, qarjylyq retteý fýnksıasyn Ulttyq banktiń ókilettiginen bólý sıaqty sharalar aqsha-nesıe saıasatyna senimdilikti arttyratynyn atap ótti.
S&P sarapshylarynyń pikirinshe, Ulttyq banktiń 2025 jylǵa deıin ekonomıkany qoldaý baǵdarlamalarynan shyǵý ortalyq banktiń tıimdiligin arttyrýǵa kómektesedi.
S&P boljamyna sáıkes, Qazaqstan ekonomıkasynyń ósý qarqyny 2021 jyly 3,5% quraıtyn bolady jáne ony shıkizattyq emes sektordyń ósýi, shekteýlerdiń jumsartylýy esebinen ekonomıkalyq belsendiliktiń qalpyna kelýi, ınvestısıalardyń ósýi, negizgi saýda seriktes elderindegi iskerlik belsendiliktiń qalpyna kelýi qamtamasyz etetin bolady.