Turǵyndar tolyqtaı vaksına alyp, qaterli dertti toqtatýǵa óz úlesterin qosýda.
Almaty oblysynda Eskeldi aýdanynda bir aýyldyń turǵyndary 100 paıyz ekpe aldy, - dep habarlaıdy Almaty-akshamy.kz QazAqparat-qa silteme jasap.
Qońyr aýyldyq okrýginiń turǵyndary tolyqtaı koronavırýsqa qarsy ekpe aldy. Bul jerde 1050 adam turady. 80-ge jýyq turǵyn densaýlyq jaǵdaıyna baılanysty ekpe saldyrýdan bosatylǵan. Taǵy 400-i, kámelet jasqa tolmaǵan balalar. Al, qalǵan 570 aýyl turǵyny, COVID-19-ǵa qarsy tolyqtaı vaksına alyp, qaterli dertti toqtatýǵa óz úlesterin qosýda. Aýyl muǵalimderi de ekpeni tolyqtaı aldy. Olar oqý jylyn sátti bastap ketti. Qońyr aýylyndaǵy orta mektepte 210 oqýshy bilim alyp, 75 muǵalim qyzmet etedi. Jalpy aıtqanda, oqý orny jetkilikti kólemde jeke qorǵaý quraldarymen qamtamasyz etilgen. Kúndelikti, kabınetterde dezınfeksıa júrgizilip, sabaqtarda balalar áleýmettik qashyqtyqty saqtaı otyryp, betperde kıip otyrady. Jalpy, Eskeldi aýdany boıynsha 23600 adam vaksınasıalaýǵa jaramdy, onyń 13600-i koronavırýstyq ınfeksıaǵa qarsy ekpeni tolyqtaı aldy. Búgingi kúnge, turǵyndardyń 57 paıyzy vaksınasıalanǵan. Halyqty vaksınalaý úshin Qarabulaq, Aldabergenov, Aqyn Sara jáne Baqtybaı aýyldarynda 4 ekpe kabıneti jumys isteýde. Qosymsha bir jyljymaly medısınalyq keshen qyzmet etedi. Qajet bolǵan jaǵdaıda, aýdannyń basqa aýyldaryndada qosymsha 6 egý kabınetin ashýǵa múmkindik bar.
Esterińizge sala ketsek, osydan eki apta buryn Eskeldi aýdanynyń Jalǵyzaǵash aýyldyq okrýginiń turǵyndary koronavırýsqa qarsy ekpeni tolyqtaı alǵan bolatyn. Aıta keteıik, búgingi kúni oblysta vaksınanyi birinshi bóligin 678 876 adam saldyrdy, al ekinshi komponentti 559 368 turǵyn qabyldady. Sońǵy táýlikte, oblys boıynsha koronavırýsqa shaldyǵýdyń 282 jaǵdaıy tirkeldi. İndetti ósý qarqyny- 0,6% qurap otyr.