Koronavırýs Qytaıdyń 3 iri megapolısinde - Gýanchjoý, Chýnsın jáne Beıjińde taraldy.
QHR Densaýlyq saqtaý jáne gıgıena máseleleri jónindegi memlekettik komıtetiniń derekterine sáıkes, ótken táýlikte materıktik Qytaıda koronavırýsty 9 myńnan astam adam juqtyrǵan, onyń ishinde Gýanchjoýda - 2,5 myńnan astam, Chýnsınde – 750–den astam, Beıjińde - olardyń sany 100-ge jetti, dep habarlaıdy Almaty-akshamy.kz QazAqparatqa silteme jasap.
Vedomstvonyń málimetinshe, onyń ishinde 85%-ynda aýrý belgileri joq (sımptomsyz). Sońǵy kúnderi Beıjińde koronavırýs ınfeksıasy ósip jatyr. Qytaı astanasynda ınfeksıa qaýpi joǵary (joǵary nemese ortasha) 200-ge jýyq turǵyn aımaǵy bar. Sońǵy aptada koronavırýs Qytaıdyń barlyq aımaǵynda taralyp jatyr.
Osy jyldyń tamyz aıynan bastap QHR Shyńjań-Uıǵyr avtonomıalyq aýdanynda kúrdeli epıdemıologıalyq jaǵdaı baıqalýda. Shyńjańda ótken táýlikte COVID-19 ınfeksıasynyń 700-ge jýyq jergilikti jaǵdaıy anyqtaldy, onyń basym kópshiligi Úrimshi qalasyna tıesili.