Sot eks-mınıstr Qýandyq Bıshimbaevtyń isindegi taraptarǵa áleýmettik jelide pikir bildirýge tyıym saldy.
Memlekettik aıyptaýshy taraptan prokýror Aıjan Aımaǵanova alqabıler sotynyń pikirine áleýmettik jeli arqyly áser etý qateri bar ekenin aıtyp, osyndaı shara qoldanýdy usynǵan bolatyn. Sot ol usynysty qabyldady, dep habarlaıdy Almaty-akshamy.kz.
«Proseske qatysýshylarǵa aıtarym, sot otyrystarynan keıin BAQ-ta aıtqan sózderińiz sotqa qysym kórsetý retinde baǵalanýy múmkin. Osyǵan baılanysty proseske qatysýshylardyń bárine ondaı áreketterden aýlaq bolýǵa keńes beremin. Óz quqyqtaryńyzdy sot otyrysy ótip jatqan zalda iske asyryńyzdar. Óıtkeni, sot otyrysynan tys áreketter otyrystaǵy alqabılerdiń pikirine áser etýi múmkin jáne qylmystyq isti obektıvti qaraýǵa kesirin tıgizýi múmkin. Osyǵan baılanysty aıyptaýshy taraptyń usynysyn qanaǵattandyrý qajet dep esepteımin», - dedi sýdıa Aıjan Qulbaeva.