Abaı oblysynyń polıseıleri «sıntetıkanyń» asa iri partıasyn ótkizýshini ustady, dep habarlaıdy Almaty-akshamy.kz Polisia.kz-ke silteme jasap.
Oblystyq prokýratýranyń úılestirýimen Abaı oblysy PD-nyń esirtki qylmysyna qarsy is-qımyl basqarmasy asa iri mólsherde esirtki quraldaryn jetkizý arnasynyń jolyn kesý boıynsha arnaıy operasıa júrgizdi. Sonymen qatar jaldamaly turǵyn úıdi tintý barysynda oblys ortalyǵynyń 25 jastaǵy turǵynynan ishinde aq tústi untaq zaty bar 84 ZIP-paket pen bir polıetılen paket tabylyp, tárkilendi. Sondaı-aq páterde tarazy, ólsheýish qasyq jáne esirtkini ólshep oraýǵa qajetti zattar tabyldy. Saraptama qorytyndysyna sáıkes, alynǵan zat jalpy salmaǵy 770 gramnan asatyn mefedron psıhotroptyq zaty ekendigi anyqtaldy. Bul jaǵdaıda tárkilengen esirtki quraldarynyń sany 1540 bir rettik dozadan asady, olardyń qara naryqtaǵy quny 16 mln teńgeni quraıdy.
«Atalǵan derek QR QK-niń 297-baby 3-bóligi (Esirtki quraldaryn, psıhotroptyq zattardy, olardyń analogtaryn asa iri mólsherde ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergep-tekserý bastaldy. Osy baptyń sanksıasymen 15 jylǵa deıingi merzimge bas bostandyǵynan aıyrý jazasy kózdelgen», – dedi Abaı oblysy PD bastyǵynyń orynbasary Narıman Kúldikov.