Taraz qalasynda jol talǵamaıtyn kólik júrgizýshisi jol qozǵalysy erejesin demonstratıvti túrde buzǵan. Áleýmettik jelide taraǵan vıdeodan keıin quqyq buzýshy anyqtalyp, ákimshilik jaýapkershilikke tartyldy, dep habarlaıdy Aqshamnews.kz tilshisi.
Polıseılerdiń málimetinshe, monıtorıń barysynda joldaǵy óreskel tártip buzý faktisi tirkelgen. Kólik ıesi anyqtalyp, azamat A. Ákimshilik quqyq buzýshylyq týraly kodekstiń úsh baby boıynsha jaýapqa tartylǵan.
Jambyl oblysy polısıa departamenti júrgizýshige kólik toqtatý/turaq erejesin buzǵany, jol belgileri men tańbalaý talaptaryn saqtamaǵany jáne joldy belgilenbegen jerden ótkeni úshin aıyppul salynǵanyn habarlady. Aıyppuldyń naqty mólsheri kórsetilmedi.
Aıta keteıik, jelidegi pikirlerde vıdeodaǵy adam Ernar Aıdar bolýy múmkin degen boljam aıtylǵan.