Aqmola oblysynyń Qoıandy aýylynda dúken aýmaǵynan shyqpaq bolǵan «Gazel» avtokóligi eki jasóspirimdi qaǵyp ketti, dep habarlaıdy Aqshamnews.kz tilshisi.
Aldyn ala málimet boıynsha, oqıǵa 31 qańtarda bolǵan: júrgizýshi kólikti artqa júrgizý kezinde jaıaý júrginshilerdi baıqamaı qalǵan. Nátıjesinde 13 jáne 16 jastaǵy mektep oqýshylary aýrýhanaǵa jetkizilip, dárigerlik tekserýden ótti. Dárigerler balalardyń aýyr jaraqat almaǵanyn anyqtady.
Aqmola oblystyq polısıa departamenti bul derek boıynsha túsinikteme berip, oqıǵaǵa qatysty qajetti is-sharalar júrgizilip jatqanyn málimdedi. Qazir júrgizýshiniń áreketine quqyqtyq baǵa berilip, jaǵdaıdyń barlyq mán-jaıy naqtylanýda.