Bul týraly QR QM Memlekettik kirister komıteti mlimdedi.
Salyq Kodeksine engizilgen ózgeristerge sáıkes, 2022 jyldyń 1 qańtarynan bastap sıfrlyq maınıng úshin tólemaqy engizildi, dep habarlaıdy Almaty-akshamy.kz
Tólemaqyny tóleý tártibi Salyq kodeksiniń 69-taraýynyń 11-paragrafyna saı júrgiziledi. Sıfrlyq maınıngti júzege asyratyn tulǵalar tólemaqy tóleýshiler sanalady jáne tólem qyzmetin júzege asyrý kezinde tutynylǵan elektr energıasynyń naqty kólemi úshin alynady. Tólemaqy somasy elektr energıasynyń naqty kólemine súıene otyryp esepteledi, tólemaqy stavkasy elektr energıasynyń 1 kılovatt-saǵaty úshin 1 teńge mólsherinde aıqyndalady (kVt/saǵ sany*1 teńge).
«Tólemaqyny esepteý úshin salyq kezeńi - toqsan bolyp tabylady. Sıfrlyq maınıng úshin aqy tóleý Respýblıkalyq búdjetke 105 317 Búdjettik synyptama kodyna (BSK) júrgiziledi. Tólemaqy tóleýshiler tólemaqy somasyn búdjetke toqsan saıyn esepti toqsannan keıingi aıdyń 20-kúninen keshiktirmeı tóleıdi. Mysaly, 2022 jyldyń birinshi toqsany úshin tólemaqyny 2022 jyldyń 20 sáýirinen keshiktirmeı tóleý qajet», - delingen habarlamada.
Tóleýshiler tólemdi sıfrlyq maınıng qyzmetin júzege asyrý orny boıynsha (sıfrlyq maınıngke arnalǵan jabdyqty ornalastyrý orny boıynsha) tóleıdi. Bul rette sıfrlyq maınıng úshin tólem boıynsha salyq eseptiligin tapsyrý Salyq kodeksinde kózdelmegen.