Qazaqstanda balabaqshalarǵa kezekke turýdyń biryńǵaı bazasy qurylady
Elimizde balabaqshalarǵa kezekke turýdyń biryńǵaı bazasy qurylady. Bul týraly QR Bilim jáne ǵylym birinshi vıse-mınıstri Sholpan Karınova aıtty, dep habarlaıdy Almaty-akshamy.kz
«Mektepke deıingi bilim berý uıymdarynyń, ásirese, jekemenshik balabaqshalar qyzmetiniń sapasy jaqsarady. Memlekettik tapsyrysty ornalastyrý qaǵıdalaryna ózgerister engizemiz. Onyń ishinde bilikti pedagogtermen qamtamasyz etip, qaýipsiz jáne qolaıly jaǵdaı jasaý úshin, memlekettik tapsyrys qarajatyn maqsatty jumsaý jáne qyzmet kórsetý sapasyn arttyrý maqsatynda talaptardy kúsheıtemiz», - dedi ol mınıstrliktiń keńeıtilgen alqa otyrysynda.
Sondaı-aq birinshi vıse-mınıstr balabaqshalarǵa kezekke turýdyń biryńǵaı bazasyn qurý josparlanǵanyn atap ótti.
«Ol mektepke deıingi bilim berý uıymdaryndaǵy oryndardy bólýdiń ashyqtyǵyn, qarjynyń durys jumsalýyn jáne kezektiń qaıtalanbaýyn qamtamasyz etedi», - dedi Sholpan Karınova.