Qalalyq komýnaldyq qyzmetter Shymbulaqtaǵy qardy tazalaýda, dep habarlaıdy Almaty-akshamy.kz
TJ boıynsha jedel kezekshiniń derekteri boıynsha Jetisý jáne Túrksib aýdandarynda jeke turǵyn úı sektorynyń aýla aýmaqtaryn 2 sý basý tirkeldi. Sý soryldy. Aryq ótkelderiniń keptelýiniń qalǵan jaǵdaılaryn jergilikti jerlerde patrúldik brıgadalar joıady.
Aryq jelileri arqyly sýdyń kedergisiz ótýin qamtamasyz etý maqsatynda túngi aýysymǵa 34 kezekshi brıgada, 114 birlik tehnıka, 23 motopompa, 115 jol jumysshysy jumyldyryldy. Tańerteńgi saǵat 8-den bastap joldarǵa 38 kezekshi brıgada, 166 birlik arnaıy tehnıka, 23 motopompa jáne 468 jol jumysshysy shyqty.
Shymbulaqqa qardyń túsýine baılanysty kóktaıǵaqqa qarsy materıaldar sebilip, burynǵy ekoposttan Shymbulaqqa deıingi ýchaskede jol qardan tazalanyp jatyr. Jol qozǵalysyn shekteý úshin jol polısıasy beketi qoıyldy.
"Selqorǵaý" MM derekteri boıynsha Almaty ózenderindegi sý deńgeıi qalypty jaǵdaıda.
Aýdan ákimdikterinde jumys óndirisin baqylaý boıynsha táýlik boıy kezekshilik uıymdastyryldy.