Bul týraly Almaty qalasynyń ákimi Erbolat Dosaev málimdedi, dep habarlaıdy Almaty-akshamy.kz.
Mektepter men balabaqsha máselelerine qatysty. Bıylǵy jyly №48 mektep jańartylyp, oǵan 250 oryndyq qosymsha korpýs salynady jáne №131 mektep kúrdeli jóndeýden ótip, seısmıkalyq jaǵynan kúsheıtiledi.
«Jaıly mektep» ulttyq jobasy aıasynda Qulja kúre jolynyń ońtústigine qaraı «Shyǵys qaqpasy» jańa polısentrdyń aýmaǵynda 2000 oryndyq jańa mektep salynady.
Qurylys jumystaryn bastaý IV toqsanǵa josparlanǵan. Jeke ınvestordyń qarajaty esebinen "Dýman" shaǵynaýdanynda 1200 oryndyq mektep salý josparlanǵan. Qurylys-montajdaý jumystary kelesi jyly bastalady.