Aqparat mınıstrligi bul jaǵdaıǵa áli túsinikteme bergen joq.
Shrı-Lankanyń ulttyq habar taratýshylary narazylyq bildirýshiler habar taratý ortalyǵyna basyp kirý áreketinen keıin habar taratýdy toqtatty, dep habarlady Almaty-akshamy.kz Interfax.ru silteme jasap.
Efırdi sóndirýden buryn telearnada efırinde eldiń ánurany shyrqaldy.
Shrı-Lankanyń Aqparat mınıstrligi bul jaǵdaıǵa áli túsinikteme bergen joq, dep habarlaıdy Bloomberg.
Sársenbi kúni erterek narazy top Premer-Mınıstr Ranıl Vıkramasıngheniń keńsesine basyp kirip, onyń otstavkaǵa ketýin talap etti. Jergilikti aqparat quraldarynyń habarlaýynsha, polısıa kózden jas aǵyzatyn gaz qoldanǵan.
Shrı-Lanka Parlamentiniń spıkeri Mahında Abeıvardena el Prezıdentiniń ókilettigin Premer-Mınıstrge ýaqytsha berdi, dep jazady The Times of India. Bul sheshim, Konstıtýsıaǵa sáıkes, Prezıdent Gotabaıa Radjapaksanyń elden ketýine baılanysty qabyldandy.
Parlament jańa prezıdent saılaýyn 20 shildede ótkizedi.
13 shildege qaraǵan túni prezıdent Radjapaksa men onyń jubaıynyń Maldıvke attanǵany týraly belgili boldy. Buǵan deıin Prezıdent otstavkaǵa ketetinin málimdegen. Ol ketkennen keıin Úkimet búkil Shrı-Lankada tótenshe jaǵdaı engizdi, al eldiń astanasy Kolombo ornalasqan Batys provınsıasynda da komendanttyq saǵat engizildi.