Birjolǵy zańdastyrý týraly jarıalady.
Qazaqstandyq polıseıler sheteldik kólikter qalaı zańdastyrylatynyn aıtty, dep habarlady Almaty-akshamy.kıa Polisia.kz silteme jasap.
Memleket basshysy aǵymdaǵy jyldyń 1 qyrkúıegine deıin elge ákelingen sheteldik avtokólikterdi birjolǵy zańdastyrý týraly jarıalady. Bul shara is júzinde qalaı iske asatyny jaıynda QR İİM Ákimshilik polısıa komıteti tóraǵasynyń mindetin atqarýshy Qaısar Sultanbaev aıtyp berdi.
«Qazirgi ýaqytta zańnamaǵa qajetti ózgerister engizilýde. Parlament Salyq kodeksine engizilgen alǵashqy túzetýlerdi qabyldady. Zańdastyrýǵa jatatyn avtokólikterdi bastapqy tirkeý úshin tólenetin alymdy 200 myń teńge kóleminde dep belgiledi. Bir mezgilde ekinshi zań jobasynyń aıasynda Ekologıalyq kodekske túzetýler engizilýde. Ol jerde zańdastyrylatyn avtokólikter úshin kádege jaratý tólemin alyp tastaý bóliginde túzetýler engiziledi. Atalǵan túzetýler basqa zań jobasy sheńberinde Parlamentte qaralýda. Odan basqa İshki ister mınıstrligi zańdastyrýdy júrgizýdiń tártibin, sharttary men merzimderin aıqyndaıtyn Úkimet qaýlysynyń jobasyn ázirleýde. Atalǵan joba aǵymdaǵy jyldyń 29 qarashasynda ashyq talqylaý rásiminen ótý úshin İİM-niń resmı saıtyna ornalastyryldy», - dedi spıker.
Onyń aıtýynsha, izdeýde júrgen (qylmystyq kólik) nemese tolyq kedendik tazartýdan ótpegen, sondaı-aq 2022 jyldyń 1 qyrkúıeginen keıin ákelingen avtokólikter zańdastyrýǵa jatpaıdy.
«Qazaqstanda turaqty júrgen sheteldik avtokólikterdiń naqty sany týraly derekter joq. Sonymen qatar aǵymdaǵy jyldyń 1 qyrkúıegine deıin sheteldik avtokólikterge 300 myńnan astam avtosaqtandyrý polısi resimdelgenin anyqtadyq. Avtosaqtandyrýlardyń eń kóbi Reseıden kelgen avtokólikterge berilgen, olar shamamen 260 myń, Qyrǵyzstan avtokólikteri – 25,5 myń jáne Armenıa kólikteri – 18 myń», - dedi maman.
Zańdastyrý jumystary jarty jyl kóleminde júrgiziletin bolady.
«Qajetti zańnamalyq ózgerister kúshine engennen keıin jáne tıisti Úkimet qaýlysy qabyldanǵannan keıin zańdastyrý bastalady. Bul rette zańdastyrýdy jarty jyldyń kóleminde ótkizý josparlanýda», - dedi spıker.