Jalpyǵa birdeı deklarasıalaý engizilip jatyr.
Memlekettik kirister komıtetinde kirister men múlki týraly deklarasıany tabys etý merzimi týraly eskertti, dep habarlaıdy Almaty-akshamy.kz.
2021 jyldan bastap Qazaqstanda kezeń-kezeńimen jalpyǵa birdeı deklarasıalaý engizilip jatyr. Ol memlekettik qyzmetshilerden, olarǵa teńestirilgen tulǵalardan, sondaı-aq olardyń jubaılarynan bastalady.
Memlekettik kirister komıteti kirister men múlki týraly deklarasıany tabys etý merzimi týraly eskertti.
2022 jylǵy 15 qyrkúıek – kiristeri men múlki týraly deklarasıany (270.00-nysan) elektrondyq túrde tapsyrý merzimi.
Deklarasıa qaǵaz túrinde tapsyrylatyn bolsa, 2022 jylǵy 15 shildeden keshiktirilmeı tabys etilýi tıis. 2022 jyly kirister men múlik týraly deklarasıany jalpyǵa birdeı deklarasıalaýdyń birinshi kezeńiniń tulǵalary usynady, olar 2021 jyly aktıvter men mindettemeler týraly deklarasıany (250.00-nysan) usynǵan bolatyn.
Deklarasıany «Salyq tóleýshiniń kabıneti» (kgd.gov.kz) web-qosymshasy jáne «e-Salyq Azamat» mobıldi qosymshasy arqyly elektrondy túrde toltyryp, tapsyrýǵa bolady.
Jeke tulǵalar deklarasıany turǵylyqty jeri boıynsha, al dara kásipkerler men jeke praktıkamen aınalysatyn adamdar ornalasqan jeri boıynsha tabys etedi.