Bul týraly ANI analytics telegram-arnasy habarlady.
Qazaqstan shetelde oqıtyn stýdentter sany boıynsha álemde ekinshi orynda – 91,2 myń stýdent elden tys oqý oryndarynda bilim alyp jatyr, dep habarlaıdy Almaty-akshamy.kz
IýNESKO-nyń Statısıka ınstıtýtynyń jańartylǵan málimetterine sáıkes, shetelde oqıtyn stýdentterdiń eń kóp sany Qytaı men Úndistanda tirkelgen.
"Shetelde 1,021 mıllıon Qytaı stýdenti oqıdy, al úndistandyq stýdentterdiń sany osy kórsetkishtiń shamamen jartysy, ıaǵnı 508,2 myń. Odan keıin Vetnam (137 myń), Germanıa (126,4 myń) jáne Ózbekstan (109,9 myń) tur", - dep jazylǵan habarlamada.
Alaıda, eger tıisti kezeńdegi shetelde oqıtyn stýdentterdiń halyq sanyna qatynasyn esepteıtin bolsaq, onda Qazaqstan 0,48% úlespen qarastyrylyp jatqan elder arasynda birinshi orynda tur. Odan keıin Sırıa (0,46%) men Ózbekstan (0,31%) tur.
Stýdentter oqýdy qalaıtyn elderdiń reıtıńi mynandaı:
AQSH (833 myń);
Ulybrıtanıa (601 myńǵa jýyq);
Avstralıa (378 myńǵa jýyq);
Germanıa (376 myńnan astam);
Kanada (318 myńǵa jýyq).
Bıyl Qazaqstanda 186 myń bala 11-synypty bitirgen. Onyń ishinde 7 420 túlek "Altyn belgi" belgisimen marapattalsa, 13 727 túlek jalpy orta bilim týraly úzdik atestatqa ıe boldy.