«Taraz» fýtbol klýby U-19 jasqa deıingi Qazaqstan jasóspirimder quramasynyń qaqpashysy Sherhan Qalmyrzany óz sapyna qosýdy josparlap otyr, dep habarlaıdy Aqshamnews.kz tilshisi.
Klýb dırektory Dıdar Sydyqbektiń aıtýynsha, aldaǵy kúnderi almatylyq «Qaırat» klýbyna resmı usynys joldanyp, kelissózder bastalmaq.
"Biz Sherhan Qalmyrzaǵa qyzyǵýshylyq tanytyp otyrmyz. Erteń resmı usynys jasap, kelissózderdi bastaımyz. Ol – Jambyl oblysynyń týmasy", – dedi klýb basshysy.
18 jastaǵy Sherhan Qalmyrza bıyl Qazaqstan fýtbolyndaǵy eń tanymal jas oıynshylardyń birine aınaldy. Ol Chempıondar lıgasynyń toptyq kezeńinde «Qaırat» sapynda negizgi qaqpashylar jaraqat alǵan sátte «Sportıngke» (1:4) jáne «Real Madrıdke» (0:5) qarsy machtarda alańǵa shyǵyp, qaqpany qorǵady.
Sonymen qatar, 2025 jyly Qalmyrza Qazaqstannyń jastar quramasy (U-19) sapynda Eýropa chempıonatyna irikteý kezeńinde úsh mach ótkizgen.
Aıta keteıik, ótken maýsymda Birinshi lıgada óner kórsetken «Taraz» fýtbol klýby chempıonatty týrnır kestesiniń 8-ornynda aıaqtaǵan.