Bıyl Shanhaı halyqaralyq kınofestıvali 26-ret ótti. Kınofestıvaldiń negizgi konkýrsynda Qazaqstan tarapynan baq synaǵan rejıser Danıar Salamattyń «Talaq» fılmi úzdik fılm atandy, dep habarlaıdy Almaty-akshamy.kz.
Beıimbet Maılınniń shyǵarmalary jelisimen túsirilgen kınotýyndy tolyqmetrajdy fılm nomınasıasynyń “Altyn kýbogyn” ıelendi. Bul dodada rejıserdiń fılmi álemniń úzdik 14 fılminen ozyp shyqqan. Shanhaı festıvali “A” klasyna jatatyn on festıváldiń biri. “Talaqtyń” basty rólin Erbolat Álqoja somdaǵan.
Al Amıra Omarova “Eń úzdik áıel róli” nomınasıasyn jeńip alǵan.