Búkilálemdik shahmat saıysy ótip jatyr
Mádenıet jáne sport mınıstrliginiń dereginshe, 20 tamyz ben 15 qyrkúıek aralyǵynda Halyqaralyq shahmat federasıasynyń (FIDE) uıymdastyrýymen Chess.com oıyn platformasynda onlaın formatta dúnıejúzilik shahmat olımpıadasy ótip jatyr, dep habarlaıdy Almaty-akshamy.kz.
Bul FIDE-ge múshe elder úshin mańyzdy jarys. Jarys eki kezeńnen (dıvızıon jáne pleı-off) turady. Jalpy, olımpıadada 163 ulttyq qurama sapynda 1500-den astam úzdik shahmatshy baq synap jatyr.
Ár quramada kapıtannan bólek, negizgi quramnyń alty oıynshysy, odan bólek qosalqy quramnyń alty oıynshysy bolady.
Elimizdiń quramasy álem reıtıńindegi joǵary kórsetkishiniń arqasynda TOP dıvızonǵa tústi. Bul qatarda Úndistan, Qytaı, Reseı, Ýkraına, AQSH quramasy bar. Qazaqstandyq shahmatshylar olımpıadany 8 qyrkúıekte bastaıdy.
TOP dıvızıondaǵy 40 qurama 4 topqa bólinip, bir-birimen oınap shyǵady. Ár toptaǵy úzdik úshtik pleı-ofqa tikeleı joldama alady. Avstralıa, Armenıa, Grekıa, Grýzıa, Indonezıa, Iran, Qytaı, Mońǵolıa men Rýmynıa bizdiń ulttyq quramanyń qarsylasy bolady.
Quramanyń negizgi quramy:
1. Rınat Jumabaev (halyqaralyq grosmeıster)
2. Denıs Mahnev (halyqaralyq grosmeıster)
3. Jansaıa Ábdimálik (halyqaralyq grosmeıster)
4. Dınara Sádýaqasova (áıelder halyqaralyq grosmeısteri)
20 jasqa deıingi erler arasynda – Ramazan Jalmahanov (halyqaralyq sheber)
20 jasqa deıingi qyzdar arasynda – Bıbisara Asaýbaeva (áıelder halyqaralyq grosmeısteri)
Qosalqy quram oıynshylary:
1. Rýstam Hýsnýtdınov (halyqaralyq grosmeıster)
2. Murtas Qajyǵalıev (halyqaralyq grosmeıster)
3. Gúlisqan Nahbaeva (áıelder halyqaralyq grosmeısteri)
4. Gúlmıra Dáýletova (Halyqaralyq áıelder grosmeısteri)
20 jasqa deıingi erler arasynda – Qazybek Nógerbek (FIDE sheberi)
20 jasqa deıingi qyzdar arasynda – Merýert Kamalıdenova (Halyqaralyq áıelder sheberi)
Komanda kapıtany – halyqaralyq grosmeıster Pavel Kosýr.
Jarys translásıasyn https://onlineolympiad.fide.com/ saıty men FIDE-niń Youtube-taǵy arnasynan tamashalaı alasyzdar.