Qazaqstan fýtbol ulttyq quramasy 2026 jylǵy álem chempıonaty irikteýinde top kóshbasshysy Soltústik Makedonıamen teń tústi, - dep habarlaıdy aqshamnews.kz tilshisi.
Oıyn 13-ten 14 qazanǵa qaraǵan túni Skopede ótti. Buǵan deıin qazaqstandyqtar Lıhtenshteındi 4:0 esebimen utsa, alań ıeleri Belgıamen 0:0 oınaǵan.
Quramalar:
- Qazaqstan: Seısen (qaqpashy), Vorogovskıı, Álip, Qasym, Qaırov, Qaraman, Qýat, Zaınýtdınov, Kenjebek, Svırıdov, Chesnokov.
- Soltústik Makedonıa: Dımıtrıevskı (qaqpashy), Stoıchevskı, Velkoskı, Zaıkov, Alıoskı, Ilıevskı, Alımı, Mıovskı, Bardı, Elmas, Rıstovskı.
Oıyn barysy:
Qazaqstan alǵashqy mınýttarda joǵary presıńpen birneshe qaýipti sát jasady. 33-mınýtta Seısen jaqyn qashyqtan soqqylardy eki ret qaıtardy, oǵan deıin jankúıerler lazermen kedergi keltirdi.
54-mınýtta "Jeńis" shabýylshysy Dinmuhamed Qaraman aıyp alańyndaǵy abyr-sabyrda qaıshylap soǵyp, esep ashty - 0:1. 74-mınýtta alań ıeleriniń kapıtany Enıs Bardı tamasha aıyppen esepti teńestirdi - 1:1. Sońǵy mınýttarda Shýshenachevtiń eki múmkindigi golǵa aınalmady, al 94-mınýtta Álibek Qasym dopty qaqpa syzyǵynan shyǵaryp, esepti teń saqtady.
Qorytyndy esep - 1:1.
Aıta keteıik, mach aldynda makedonıalyqtar 6 oıynnan keıin 12 upaımen topty bastap turǵan. Transfermarkt baǵalaýynsha, Soltústik Makedonıa quramasynyń quny Qazaqstannan eki eseden asa joǵary (36 mln eýro vs 15 mln eýro). Teń nátıjeden keıin olar kóshbasshylyqty Belgıaǵa berdi. Al Astanada ótken alǵashqy oıynda qonaqtar 0:1 esebimen utqan edi.
Mach aldy Blagoıa Mılevskı Qazaqstan quramasynyń "sapaly komanda" ekenin atap ótken. Zaınýtdınov sary qaǵaz alyp, sońǵy týrda Belgıaǵa qarsy oıyndy ótkizip almaq.