Memleket basshysy Qazaqstan Respýblıkasy Parlamenti Senatynyń depýtattaryn saılaýdy 2023 jylǵy 14 qańtarǵa taǵaıyndaý týraly Jarlyqqa qol qoıdy, dep habarlaıdy Almaty-akshamy.kz Inform.kz-ke silteme jasap.
«Qazaqstan Respýblıkasy Konstıtýsıasynyń 44-babynyń 2) tarmaqshasyna, «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsıalyq zańynyń 69-babyna sáıkes Qazaqstan Respýblıkasy Parlamenti Senatynyń depýtattary ókilettikteriniń konstıtýsıalyq merzimi 2023 jyly aıaqtalatynyna baılanysty QAÝLY ETEMİN:
1. Qazaqstan Respýblıkasy Parlamenti Senatynyń depýtattaryn saılaý 2023 jylǵy 14 qańtarǵa taǵaıyndalsyn.
2. Qazaqstan Respýblıkasynyń Úkimeti, Astana, Almaty jáne Shymkent qalalarynyń, oblystardyń ákimderi Qazaqstan Respýblıkasy Parlamenti Senatynyń depýtattaryn saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jóninde sharalar qabyldasyn.
3. Osy Jarlyq jarıalanǵan kúninen bastap qoldanysqa engiziledi» delingen Jarlyqta.