Semeıde polıseıler mas kúıde júk kóligin tizgindegen júrgizýshini ustady, dep habarlaıdy Aqshamnews.kz tilshisi Polisia.kz-ke silteme jasap.
Qalaǵa kireberiste "Qaýipsiz jol" jedel-profılaktıkalyq is-sharasy aıasynda toqtatylǵan júrgizýshiniń aıaǵynan áreń turǵany beınetirkegishke túsip qalǵan. Ol medısınalyq kýálandyrýdan ótip, is materıaldary sotqa jiberildi.
Polısıa málimetinshe, er adamǵa 15 táýlikke qamaý jáne júrgizýshi kýáliginen aıyrý jazasy qoldanylýy múmkin. Júk kóligi aıypturaqqa qoıyldy.
Abaı oblysy Polısıa departamenti qalada aınalma joldyń joqtyǵy ótkir másele bolyp turǵanyn atap ótti. Semeı arqyly ótýge májbúr aýyr júk kólikteri jol qozǵalysy qaýipsizdigine qaýip tóndirip, ásirese jaıaý júrginshiler kóp jınalatyn aýmaqtarda apattardyń jıi bolýyna sebep bolyp otyr.
Degenmen, departamenttiń málimetinshe, jol-kólik oqıǵalarynyń sany azaıyp keledi.
-
2025 jyldyń alǵashqy segiz aıynda óńirde 676 jol apaty tirkelip, 1038 adam jaraqat aldy.
-
Bul 2024 jyldyń sáıkes kezeńimen salystyrǵanda: apattar — 13,8%-ǵa, jaraqattar — 5,4%-ǵa az.
-
2024 jyly osy merzimde 784 apat, 57 adam ólimi jáne 1097 jaraqat bolǵan.