Almatyda ótip jatqan referendýmda Qazaqstannyń eńbek sińirgen qaıratkeri, jazýshy Sáýle Dosjan óz daýysyn berdi. Ol №112 referendým ýchaskesine kelip, el bolashaǵy úshin mańyzdy tańdaýdy jasaýǵa atsalysty.
— Men búgin óz azamattyq paryzymdy oryndap, daýys berdim. Shyndyǵyn aıtsam, bul referendým elimizde eń kóp talqylanǵan naýqannyń biri boldy. Qazir halyq óz pikirin erkin bildirýde. Batys elderinde jylyna 14-16 referendým ótip jatady eken, bizge bul tańǵalarlyq nárse bolmaýy tıis. Sebebi olar árbir zańdy halyqtyń talqylaýyna usynady, al halyq ta erinbeı óz quqyǵyn paıdalanyp daýys beredi. Biz de solaı jasaýymyz kerek. Referendýmǵa qatysyp, óz pikirimizdi bildirý — azamattyq mindetimiz, — dedi Sáýle Dosjan.
Jazýshy bul referendýmnyń el úshin mańyzdylyǵyn atap ótip, árbir qazaqstandyqty belsendi túrde qatysýǵa shaqyrdy. Onyń aıtýynsha, halyqtyń sanaly tańdaýy elimizdiń damý baǵytyn anyqtaıdy, sondyqtan ár azamat óz daýysyn berip, el bolashaǵyna óz úlesin qosýy tıis.
Almatylyqtar tańerteńnen bastap belsendi túrde daýys berip jatyr. Qalanyń ártúrli referendým ýchaskelerinde joǵary belsendilik baıqalyp, turǵyndar óz tańdaýlaryn jasaýǵa jaýapkershilikpen qaraýda.