Búgin – Qanysh Sátbaevtyń týǵan kúni jáne Qazaqstandaǵy Ǵylym qyzmetkerleriniń kásibı merekesi. Aıtýly dataǵa oraı QR Prezıdenti janyndaǵy Ulttyq ǵylym akademıasynyń bastamasymen Ǵylym akademıasy aýlasynda «Sátbaev sakýrasy» qaıta otyrǵyzyldy. Bul týraly Aqshamnews.kz saıty habarlaıdy.
Ekinshi dúnıejúzilik soǵys kezinde Ǵylym akademıasynyń ǵımaratyn japon tutqyndary salǵan. Sol kezde akademıa basshysy Qanysh Sátbaev olarǵa qamqorlyq kórsetip, adamgershilik tanytqan. Keıin elderine oralǵan japondar alǵys retinde sakýra kóshetterin jiberip, 1950-jyldary akademıa janyna úsh sakýra otyrǵyzylǵan. Alaıda 1990-jyldary eki sakýra «qurylysqa kedergi keltiredi» degen sebeppen kesilgen edi.
Bıyl sol ádiletsizdik qalpyna keltirilip, Kanzan jáne Kiku-Shidare túrindegi sakýralar qaıta egildi. Bul – Sátbaevqa degen qurmettiń, ǵylym men adamgershilikke taǵzymnyń belgisi.