Erkejanǵa aıýandyq jasaǵan kúdikti 1975 jyly týǵan Gaınozarov Saıdolım.
13 shildede Saryaǵash aýdandyq polısıa bólimine jergilikti turǵyn qyzynyń joǵalyp ketkeni týraly aryz jazǵan, dep habarlaıdy Almaty-akshamy.kz
Jibek joly aýylynda joǵalyp ketken búldirshinniń denesi aýyl turǵyndarynyń biriniń úıinen tabylǵan.
"Jedel-izdestirý is-sharalary barysynda polısıa qyzmetkerleri aýyl turǵyndarynyń biriniń úıinen qyzdyń jaraqattanǵan denesin tapty", - delingen Saryaǵash aýdandyq polısıa bólimi taratqan habarlamada.
Departament málim etkendeı, bul fakt Qylmystyq kodekstiń 99-baby (Adam óltirý) boıynsha tirkeldi. Saraptama taǵaıyndaldy. Sotqa deıingi tergeý júrgizilip jatyr.
Kúdikti Saryaǵash aýdandyq polısıa bólimine jetkizilip, qamaýǵa alyndy. Barlyq jaǵdaılar anyqtalýda.
Oqıǵa ornyna polısıa bóliminiń basshylyǵy, aýdandyq prokýrordyń orynbasary jáne jedel-tergeý toby barǵan.
Tergeý barysy Túrkistan oblysy polısıa departamenti basshylyǵynyń baqylaýyna alyndy.
Áleýmettik jelide qazir kúdiktiniń ózge ult ókili ekeni basa aıtylýda. Qylmys ultqa bólinbeıdi. Qoǵam qylmyskerdiń laıyqty jazasyn alýyn kútedi.