Sarandaǵy barlyq úıler men áleýmettik nysandar jylýǵa qosyldy. Jylý kózderi qajetti otynmen qamtamasyz etilgen. Qalanyń barlyq óndiristik nysandary óndiristik baǵdarlamalarǵa sáıkes jumys isteıdi.
Energetıka mınıstri Almasadam Sátqalıev qazandyqtardyń, ortalyq jylý kóziniń, sondaı-aq jylý jelileri men áleýmettik nysandardyń jaǵdaıyn tekserip, jedel shtab otyrystaryn ótkizdi.
-Qazir rezervte turǵan barlyq jergilikti qazandyqtar daıyndalyp, iske qosyldy. Jylýdy tolyq kólemde berilýde. Biz barlyq qazandyqtarda jylý berý temperatýrasyn baqylaýdamyz. Qosymsha qazandyqtarmen keńeıtý qajet bolǵan jerler de jaqyn arada keńeıtiletin bolady. Turǵyndar buryn bolǵan eki qazandyq boıynsha suraq qoıdy, bul úıler basqa jumys istep turǵan qazandyqtarǵa qaıta qosyldy, – dedi Qaraǵandy oblysynyń ákimi Ermaǵanbet Bólekpaev.
Arnaıy komısıa qurylyp, onyń quramynda energıa qadaǵalaý ókilderi, óńirlik jáne basqa da vedomstvolardyń basshylary, TJD birlesip jumys jasaýda. Ortalyq jylý kózin jóndeý kezinde jabdyqtardy jetkizýshi zaýyttyń mamandary shaqyryldy.
– Biz barlyq jylý kózderin aralap, jylýmen qamtý sqemasyn qalpyna keltirý jumystarynyń barysyna jetkilikti túrde egjeı-tegjeıli taldaý jasadyq. Kelesi sheshim qabyldandy: ortalyq jylý kózi iske qosylǵanǵa deıin qalany jylýmen qamtýdy jergilikti qazandyqtar qamtamasyz etedi. Barlyq áleýmettik nysandar jylýmen qamtamasyz etilgen, barlyq óndiristik nysandar óndiristik baǵdarlamalarǵa sáıkes jumys isteýde», — dedi Almasadam Sátqalıev.
Úılerge jylý berý aıaqtalýda.Jaǵdaı energetıka mınıstrligi men oblys ákimdiginiń baqylaýynda.