Nemis mamany Tomas Týhel fýtboldan Anglıa quramasynyń bas bapkeri bolyp taǵaıyndaldy, dep habarlaıdy aqshamnews.kz Anglıa fýtbol qaýymdastyǵyna silteme jasap.
Ol jumysyna 2025 jyldyń qańtarynan bastap kirisedi. Kelisimshart merzimi 2026 jyldyń shildesine deıin.
«Chempıondar lıgasynyń jeńimpazy Tomas Týhel Anglıa quramasynyń bas bapkeri bolyp taǵaıyndalǵanyna qýanyshtymyz. Oǵan ózge bapker Entonı Barrı kómektesedi. Bul qos bapkermen jumys istesý týraly sheshim ótken aptanyń basynda qabyldanǵan. Al, Týhel kelisimshartqa 8 qazanda qol qoıdy. Kúni keshe aıaqtalǵan halyqaralyq sıklge kedergi keltirmeý úshin biz bas bapkerdiń aýysatyny týraly resmı jarıalaǵan joqpyz», - delingen Anglıa fýtbol qaýymdastyǵy taratqan aqparatta.
Mirror basylymynyń jazýynsha, Týheldiń jalaqysy jylyna 5 mln fýntty quraıtyn bolady. Qurama komandany buǵan deıin jattyqtyrǵan Garet Saýtgeıt bolsa jylyna 2,5 mln fýnt jalaqy alyp kelgen edi. Ol Eýropa chempıonatynyń fınalyndaǵy sátsizdikten keıin otstavkaǵa ketti.
Qazir bas bapkerdiń mindetin atqaryp jatqan Lı Karslı jyl sońyna deıin osy qyzmetti atqaratyn bolady.