Jańa jylǵa deıin Áýezov jáne Bostandyq aýdandarynda demalys kúnderi ótetin jármeńkeler keńeıtilgen formatta — juma, senbi jáne jeksenbi kúnderi jumys isteıdi, dep habarlaıdy aqshamnews.kz
Úsh kúndik jumys rejımine kóshý qala turǵyndary men qonaqtaryna yńǵaıly ýaqytta 1 000-nan astam ónim túrin, onyń ishinde kókónis, jemis-jıdek, et jáne sút ónimin, sondaı-aq áleýmettik mańyzy bar azyq-túlik taýaryn tıimdi baǵamen satyp alýǵa múmkindik beredi. Ásirese, bul mereke kúnderi qarsańynda mańyzdy.
Qalanyń basqa aýdanynda jármeńkeler burynǵydaı eki kúndik formatta jumysyn jalǵastyrady. Jármeńkeler ótetin mekenjaılar:
* Áýezov aýdany — Ótegen batyr kóshesi (Abaı dańǵylynan tómen);
* Bostandyq aýdany — «Qazaqfılm» shaǵynaýdany (ál-Farabı dańǵylynan joǵary);
* Almaly aýdany — Masanchı kóshesi (Áıteke bı jáne Gogol kósheleriniń arasy);
* Almaly aýdany — Jambyl jáne Áýezov kósheleriniń qıylysy;
* Medeý aýdany — Meńdiqulov býlvary — Bekturov kóshesi;
* Jetisý aýdany — Qulager shaǵynaýdany, Serikov kóshesi, 2.
Demalys kúnderi ótetin jármeńkelerge apta saıyn shamamen 50 myń adam keledi. Munda 328 fermer men aýyl sharýashylyǵy taýaryn óndirýshi ónimin usynady.
Jyl basynan beri jármeńkeler arqyly jalpy kólemi 8,8 myń tonnadan astam azyq-túlik ónimi satyldy.