Sertıfıkat alǵan koýchterdiń tizimi career.enbek.kz saıtyna jarıalanady, dep habarlaıdy aqshamnews.kz
Qazaqstanda koých qyzmetiniń kásiptik standarty bekip, ol koýchıngtiń 9 túrin qamtymaq. Olar: bıznes-koých, mansaptyq koých, laıf-koých, komandalyq koých, kóshbasshylyq koých, densaýlyq jáne saýyqtyrý koýchi, kásipkerlerge arnalǵan koých, bilim berý koýchi, sportqa daıyndaıtyn koýchter.
Úkimettiń málimetine súıensek, Qazaqstanda komersıalyq emes uıym retinde tirkelgen ICF Kazakhstan koýchıng federasıasy qurylǵan. Bul uıym ICF halyqaralyq koýchıng federasıasymen birge «Koýchıng qyzmeti (koých) týraly» kásibı standarty ázirlendi.
«Qazir standart Ǵylym jáne joǵary bilim mınıstrliginde bekitilý satysynda», - dep jazǵan Oljas Bektenov.
Budan ózge «Psıhologıalyq, psıhosomatıkalyq jáne koýchıngtik qyzmetter týraly» zań qabyldaý, lısenzıalaý jáne kásibı tirkeý tetigin engizý, «psıholog», «psıhosomatık», «koých», «mentor» ataýlaryn tek tıisti bilimi jáne kásibı biliktiligi bar mamandarǵa ǵana qoldanýǵa quqyq berý baǵytynda halyqaralyq tájirıbe zerdelengen kórinedi.
«ICF halyqaralyq koýchıng federasıasymen (ICF Kazakhstan, Qazaqstanda komersıalyq emes uıym retinde tirkelgen) birge «Koýchıng qyzmeti (koých)» kásibı standarty ázirlendi. Qazirgi tańda ol Ǵylym jáne joǵary bilim mınıstrliginde bekitilý satysynda. Kásiptik standart 9 qyzmetti qamtıdy: bıznes-koých, mansaptyq koých, laıf-koých, komandalyq koých, kóshbasshylyq koých, densaýlyq jáne saýyqtyrý koýchi, kásipkerlerge arnalǵan koých, bilim berý koýchi, sporttyq daıyndyq koýchi. Kásiptik standarttyń negizinde Ulttyq biliktilik júıesiniń sıfrlyq platformasynda (career.enbek.kz) sertıfıkattalǵan koých-jattyqtyrýshylar tizilimi jasaqtalady», - dep habarlaıdy Bektenov.
Biraq, koýchtardy oqytýdy, sertıfıkattaýdy jáne tizilimge engizý jumysyn ICF halyqaralyq koýchıng federasıasy júrgizedi.