Almaty qalasynyń ákiminiń tapsyrmasyna oraı Saıran kóliniń túbin tazartý jumystary júrip jatyr. Búginge deıin kól tabanynan shyqqan qoqys, topyraqtar syrtqa shyǵarylýda. Biraq keshe kóldi tazalaý barysynda traktorlar laıǵa batyp qaldy.-dep habarlaıdy Almaty-akshamy.kz
Almatynyń ekologıa jáne qorshaǵan orta basqarmasy qulaǵan tehnıkanyń kólde shynymen jumys istegenin habarlady. Merdiger uıym Saıran kóliniń túbin tazartýy kerek edi.
«Aýa raıynyń kúrt jylynýyna baılanysty jáne erigen sý kóleminiń ulǵaıýyna baılanysty topyraq jumsardy. Saıran sý qoımasynyń túbin mehanıkalyq tazartý kezinde saqtyq sharalary saqtalmaǵandyqtan, úsh ekskavator nysanda turyp qaldy. Merdiger uıymmen qaýipsizdik tehnıkasyn saqtaý boıynsha túsindirý jumystaryn júrgizip, jeńil salmaqty tehnıkany paıdalaný boıynsha usynystar berdi», – dep bólisti basqarmadaǵylar.
Basshylar laıǵa batqan tehnıkany shyǵaryp alý úshin barlyǵyn jasap jatqanyn jáne ony 13 naýryzǵa deıin aıaqtaımyz dep úmittenetinin atap ótti.