Antıkor Orman sharýashylyǵy jáne janýarlar dúnıesi komıtetiniń qyzmetkerlerin ustady dep habarlaıdy Almaty-akshamy.kz
Orman sharýashylyǵy jáne janýarlar dúnıesi komıtetiniń birqatar laýazymdy tulǵalary jemqorlyqqa jol berdi degen kúdikke ilindi. Bul týraly Almaty-akshamy.kz QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.
Shymkent qalasynyń Sybaılas jemqorlyqqa qarsy qyzmeti Qazaqstan Respýblıkasy Ekologıa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Saıram-Ógem memlekettik ulttyq tabıǵı parki» RMK bas dırektoryna, onyń qaramaǵyndaǵy birqatar qyzmetkerlerine, sondaı-aq Komıtettiń Býhgalterlik esep jáne búdjettik josparlaý basqarmasynyń basshysyna qatysty aldaý jáne senimge qıanat jasaý, para berý jáne alý arqyly ózge múlikti urlady degen kúdik boıynsha sotqa deıingi tergeý júrgizedi.
Qazirgi ýaqytta laýazymdy tulǵalar ustalyp, ýaqytsha ustaý ızolátoryna qamaýǵa alyndy.
Tergeý jalǵasýda. Tergeý múddesi úshin ózge aqparatty jarıa etýge bolmaıdy.