Oqıǵa Súıinbaı dańǵylynyń boıynda bolǵan.
Ótken túnde Almatydaǵy Súıinbaı dańǵylynyń boıynda №13 áskerı qalashyq mańynda jol-kólik oqıǵasy boldy, dep habarlaıdy Almaty-akshamy.kz.
Almaty polısıa departamentiniń baspasóz qyzmeti habarlaǵandaı, oqıǵa keshe túnde Súıinbaı dańǵylynyń boıynda, 13-áskerı qalashyq mańynda bolǵan.
«BMW kóliginiń júrgizýshisi Súıinbaı dańǵylynyń boıymen ońtústikke qaraı kele jatqan. Shamasy júrgizýshi rólge ıe bola almaı qalǵan. Kólik syrǵanap, aǵashqa soǵyldy. Sodan keıin ınersıamen sham baǵanasyna soqtyǵysty», - dedi Almaty polısıa departamentiniń resmı ókili Saltanat Ázirbek.
2004 jyly týǵan júrgizýshi aýyr jaraqat alǵan. Ony jedel járdem brıgadasy 4-qalalyq aýrýhanaǵa jetkizgen. Al 17 jastaǵy jolaýshy alǵan jaraqaty saldarynan oqıǵa bolǵan jerde mert boldy.
Tergeý jumystarymen Almaty polısıa departamenti anyqtaý basqarmasynyń qyzmetkerleri aınalysyp jatyr.