Prezıdent Jambyl oblysy Baızaq aýdanyndaǵy adam ólimine ákep soqtyrǵan qaıǵyly oqıǵaǵa baılanysty 29 tamyzdy Jalpyulttyq aza tutý kúni dep jarıalady. Jalpyulttyq aza tutý oryndy, árıne! Bul oraıda Prezıdentimizdiń bul sheshimi parasatty is boldy dep esepteımin.
Tótenshe jaǵdaıǵa baılanysty shuǵyl ótkizilgen basqosýda qaza bolǵan áskerı qyzmetshiler men qutqarýshylardyń eren erlikteri, janqıarlyq áreketteri sóz boldy. «Erlerimizdiń esimi el jadynda máńgi saqtalady» dep Memleket basshysy atap aıtty.
Kópti kórgen kónekóz jáne qazaq eliniń janashyry, batagóı aqsaqaly retinde meniń pikirim – aldaǵy ýaqytta mundaı oqıǵaǵa jol berilmeýdiń naqty sharalary jasalýy kerek. Aýyr ári ashshy bolsa da aıtaıyn, Arys jarylysynan sabaq almaǵan sıaqtymyz.
Júzdegen beıbit halyqty, áskerılerdi qazaǵa ushyratqan, qaıǵyǵa dýshar etken sol Arystaǵy oqıǵa bizge sabaq bolý kerek-aq edi…