Ol týrnırdiń 1/8 fınaldyq kezeńinde oıynyn aıaqtady
Qazaqstandyq tenısshi Elena Rybakına (WTA reıtıńinde úshinshi orynlf) Berlındegi týrnırde kútpegen jerden 1/8 fınaldyq kezeńde oıynyn aıaqtady, dep habarlaıdy Almaty-akshamy.kz.
Sports.kz jazýynsha, qazaqstandyq tenısshi 1/8 fınalǵa qatysqany úshin 11 500 dollar tabys taýyp, 55 reıtıńtik upaıǵa ıe boldy.
Rybakına chempıondyq ataqqa basty úmitkerlerdiń biri sanalǵanymen, ol horvatıalyq Donna Vekıchten (23-oryn) sensasıalyq túrde jeńilip qaldy – 7:6, 3:6, 4:6. Buǵan deıin Elena Rybakına reseılik tenısshi Polına Kýdermetovany (139-oryn) 6:4, 6:2 esebimen utqan bolatyn.
Eske salaıyq, Ýımbldon 2023 shildeniń basynda bastalady – Rybakına osy týrnırdiń qazirgi chempıony.