Reıtıńtiń jańartylǵan nusqasyn usyndy.
Áıelder tenısi qaýymdastyǵy (WTA) jekeleı jáne juptyq synda sportshylar reıtıńiniń jańartylǵan nusqasyn usyndy, dep habarlaıdy Almaty-akshamy.kz Sports.kz saıtyna silteme jasap.
Demalys kúnderi Ýımbldon fınalynda sensasıalyq jeńiske jetken Qazaqstannyń birinshi raketkasy Elena Rybakına 23-orynda qaldy. Sebebi sońǵy Ýımbldon týrnırinde Reseı men Belarýs tenısshileriniń jarystan shettetilýine baılanysty reıtıńtik upaılar sarapqa salynbaǵan bolatyn.
Eske salsaq, sheshýshi kezdesýde Rybakına Týnıs sportshysy Ons Jaberden aılasyn asyryp, Qazaqstan tarıhynda tuńǵysh ret Úlken dýlyǵa týrnıriniń chempıony atandy.
Taǵy bir qazaqstandyq sportshy Iýlıa Pýtınseva reıtıńte 32-orynǵa turaqtady.
Úzdik úshtikte Iga Sventek (Polsha), Anett Kontaveıt (Estonıa) ekinshi, Marıa Sakkarı (Grekıa) úshinshi orynda.
Juptyq synda belgıalyq Elıza Mertens kósh bastap tursa, qytaılyq Chjan Shýaı men cheh tenısshisi Katerına Sınákova úzdik úshtikke endi. Qazaqstandyq Anna Danılına óziniń jeke rekordyn taǵy da jańartyp, 19-shy boldy. Rybakına - 63-shi (+2).