Baqylaýshylar 11 uıym men 25 memleketten keldi. Baıqaýshylardy elimizdiń syrtqy ister mınıstri men ortalyq referendým komısıasynyń tóraǵasy shaqyrtqan, dep habarlaıdy almaty-akshamy.kz
Ata Zań – elimizdiń myzǵymas tiregi. Biraq memleket pen halyqtyń beriktigi úshin Konstıtýsıa baptaryn zamanǵa laıyqtap otyrý lázim. Mine, araǵa 27 jyl salyp, respýblıkalyq refendým ótkizip jatyrmyz. El aýmaǵyndaǵy 10 myńnan astam ýchaskede naýqannyń ádil ári ashyq ótýin halyqaralyq baıqaýshylar baqylaıdy.
Baıqaýshylardy tirkeý referendýmǵa 5 kún qalǵanda, ıaǵnı 30 mamyrda aıaqtaldy. Olardyń arasynda túrki memleketteri uıymynyń ókilderi, TMD parlamentaralyq assambleıasynyń músheleri bar. Sońǵysy elimizdegi saıası naýqanǵa 15-inshi ret qatysyp jatyr.
Joba daıyn. Referendýmǵa halyqtyń 50 prosentten astamy qatysyp, qoldaý bildirse, Konstıtýsıanyń 3-ten bir bóligi, ıaǵnı 33 bapqa 56 ózgertý engiziledi. Demek tájirıbeli halyqaralyq baıqaýshylarǵa artylǵan jaýapkershilik zor.
– QR Konstıtýsıasyna ózgerister men tolyqtyrýlar engizý jónindegi respýblıkalyq referendýmǵa 25 shet memleketten jáne 11 halyqaralyq uıymnan 272 baıqaýshy qatysatyn boldy. Halyqaralyq baıqaýshylardyń qatysýy naýqannyń ashyqtyǵy men jarıalylyǵyna, memleket pen halyqaralyq mindettemelerdi saqtaýyna yqpal etetinin taǵy da atap ótkim keledi, - deıdi Ortalyq referendým komısıasynyń tóraǵasy Nurlan Ábdirov