Saılaý ýchaskesine tańǵy saǵat 7-de alǵashqylardyń biri bolyp Almaty qalasynyń ákimi Erbolat Dosaev áıelimen birge keldi. Olar Mánshúk Mámetova atyndaǵy №28 mektep-lıseıde ornalasqan №358 saılaý ýchaskesinde daýys berdi.
«Búgin bizdiń memleketimiz úshin jáne onyń azamaty retinde men úshin óte mańyzdy kún Búgin elimiz óziniń bolashaǵyn aıqyndaıdy. Men saılaý ýchaskesine elimizdiń bolashaǵy, memlekettiń beıbitshiligi men gúldenýi, Almaty men qala turǵyndarynyń birlik-berekesi úshin daýys berýge keldim», – dedi Erbolat Dosaev.
Almatyda tańǵy saǵat 7-de 574 saılaý ýchaskeleri ashyldy. 1,1 mıllıonnan astam qala turǵyndarynyń daýys berý quqyǵy bar.
Eske salsaq, referendýmǵa «2022 jylǵy 6 mamyrda buqaralyq aqparat quraldarynda jarıalanǵan «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasynda baıandalǵan Qazaqstan Respýblıkasynyń Konstıtýsıasyna ózgerister men tolyqtyrýlardy qabyldaısyz ba?» degen suraq qoıyldy.