Kásibı parashútshi Oleg Toshev ushaqtan parashútpen sekirý kezinde kólemi 800 sharshy metr bolatyn Qazaqstannyń eń úlken Týyn áýede ashty.
Ol Qazaqstan rekordtar kitabyna endi, dep habarlaıdy Almaty-akshamy.kz QazAqparatqa silteme jasap.
Respýblıka kúnine arnalǵan «Ashyq aspan» aksıasy İle Alataýy taýlary aıasynda, Almaty oblysynyń aýmaǵynda ótti.
«Týdyń kólemi - 800 sharshy metr. Bul tý Astananyń basty flagshtogynda (450 sharshy metr) ornatylǵan Týdan eki ese úlken. Ol óte qysqa merzimde - eki apta ishinde osy biregeı oqıǵa úshin arnaıy jasaldy. Bul is-shara aspanda ashylǵan QR eń úlken Týy retinde Qazaqstannyń rekordtar kitabyna enedi. Sekirýdiń bıiktigi 3000 metrdi quraıdy. Bul eń tanymal Shymbulaq taý shańǵysy kýrortynyń deńgeıinen joǵary», - dedi is-sharany uıymdastyrýshylardyń biri Tilek Kanalın.
Uıymdastyrýshylar aksıanyń maqsaty qazaqstandyqtardyń patrıottyq rýhyn nyǵaıtý, sondaı-aq, etnosqa qaramastan, bir-birine degen tolerantty qatynasty saqtaý ekenin aıtty.
«Tý - bárimizdi biriktiretin memlekettik rámiz, bul bizdiń Táýelsizdigimizdiń sımvoly. Biz óz Týymyzǵa qurmetpen qaraýdy, memleketimizge degen patrıottyq sezimdi nyǵaıtýdy qalaımyz», - dep atap ótti Tilek Kanalın.