Mýzykant qyrkúıekte koronavırýs juqtyryp, aýyryp shyqqanan keıin densaýlyǵy syr bere bastaǵan
Ánshi jáne kompozıtor, Reseıdiń halyq ártisi Aleksandr Gradskıı 72 jasynda qaıtys boldy, - dep habarlaıdy Almaty-akshamy.kz Tengrinews.kz portalyna silteme jasap.
27 qarashada Gradskıı ınsýlt kúdigimen aýrýhanaǵa túskeni belgili boldy. Aqparat boıynsha, mýzykant qyrkúıekte koronavırýs juqtyryp, aýyryp shyqqanan keıin densaýlyǵy syr bere bastaǵan.
«26 qarashada, jumada Gradskıı jaqyndarynan jýynatyn bólmege jetýge kómektesýin ótingen. Osy sátte jaǵdaıy nasharlap, mýzykant talyp qalyp, bir saǵat esin jıa almaǵan», - delingen habarlamada.
Aleksandr Gradskıı keńestik jáne reseılik ánshi, mýltı-aspapshy, aqyn jáne kompozıtor. Ol orys rok stıliniń negizin qalaýshylardyń biri. Sonymen qatar, ánshi birneshe jyl «Reseı daýysy» mýzykalyq shoýyna tálimger retinde qatysyp júrgen. 3 qarashada Gradskıı 72 jasqa toldy.