«Tomas, Lúsı jáne Alataý» men «Uly dala saıahatshylary» atty kitap jaryq kórdi
El táýelsizdiginiń 30 jyldyǵy aıasynda Taldyqorǵanda qos kitaptyń tusaýy kesildi, dep habarlaıdy Almaty-akshamy.kz.
Aýdarma kitaptar «Rýhanı jańǵyrý» memlekettik baǵdarlamasynyń «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda jaryq kórip, baspadan 1000 danamen shyqty.
Kitaptardyń tanystyrylymyna «Tomas, Lúsı jáne Alataý» kitabynyń avtory Djon Stúart, «Uly dala saıahatshylary» shyǵarmasynyń avtory Nık Fıl onlaın formatta qatysy.
«Osy kitapy tıisti oqý oryndaryna jáne kitaphanalarǵa berip, qazirden túsinip otyrmyz, osy kitaptardyń oqyrmanǵa úlken qyzyǵýshylyq artatynyn. Ary qaraı, ony kóbeıtý máselesi qıynǵa aparmaıdy. Jumys ary qaraı óziniń jaǵasyn tabady», -dep atap ótti Almaty oblystyq ishki saıasat basqarmasynyń basshysy Rahmet Esdáýletov.
Jalpy, osydan 2 jyl buryn Taldyqorǵanda «Tomas, Lúsı jáne Alataý» kitabynyń tusaýkeseri ótip, avtory Djon Massı Stúart Jetisý jerine arnaıy kelgen bolatyn. Dál sol ýaqytta kitapty qazaq jáne orys tilderine aýdarýǵa usynys tastalǵan edi. Al, ótken jyly joba qolǵa alynyp, búgin aýdarma kitap qazaq tildi oqyrmanǵa jol tartty. Kitapta, Atkınsondardyń Sibir men qazaq dalasynda basynan keshkenderi jaıly baıandalady.
«Bul kitaptyń oqyrmanǵa bereri kóp. Óıtkeni, eń aldymen Jetisý oqyrmanyna qyzyq bolady. Óıtkeni, oqyp otyrǵan kezde Jetisýlyqtar ózderine tanys mekenderdiń ataýlaryn kezdestiredi. Biraq tek Jetisýlyqtarmen shektelmeımiz. Óıtkeni, bul kitaptyń derekkóz retinde búkil qazaq oqyrmanyna mańyzy zor»,- deıdi aýdarmashy Baqytjan Buqarbaı.
Al, «Uly dala saıahatshylary» kitabynda Papa elshilerinen bastap, Reseı revolúsıasyna deıin jazylǵan. Aýdarma avtory – Almas Nurbaqytov. Aldaǵy ýaqytta qos kitaptyń tusaýkeserin Birikken Koróldikte de ótkizý josparda bar.