Qazaqstanda Konstıtýsıanyń 30 jyldyǵyna oraı jarıalanǵan amnıstıa tolyq aıaqtaldy. İİM Qylmystyq-atqarý júıesi komıteti aýqymdy sharanyń qorytyndysyn jarıalap, qansha sottalýshynyń taǵdyry ózgergenin málimdedi, dep habarlaıdyaqshamnews.kz tilshisi Azattyq Rýhy-yna silteme jasap.
Amnıstıa statısıkasy
QAJK málimetinshe, amnıstıa aıasynda sottar 15 970 usynysty qaraǵan. Nátıjesinde jazasyn ótep jatqandar men probasıa esebindegilerdiń bir bóligi bostandyqqa shyqty.
Naqty sandarǵa toqtalsaq:
Túrmeden bosatylǵandar: Mekemelerden 2 myńnan astam adam bosap shyqty (onyń ishinde áıelder men kámeletke tolmaǵandar bar).
Merzimi qysqartylǵandar: 11 myńnan astam sottalýshynyń jaza merzimi azaıtyldy.
Probasıa baqylaýyndaǵylar: Probasıa esebinde turǵan 2 888 adam jazadan tolyq bosatylyp, taǵy 7 600-den astam adamnyń merzimi qysqardy.
Kimder bosatyldy jáne baqylaý qalaı júredi?
Amnıstıa eń aldymen áleýmettik osal toptarǵa baǵyttaldy. Olardyń qatarynda:
• Kámeletke tolmaǵandar;
• Balaly jáne júkti áıelder;
• Múgedektigi bar jandar men qarttar bar.
Bostandyqqa shyqqandardyń barlyǵy jeke polısıa esebine alynyp, probasıa qyzmetiniń turaqty baqylaýynda bolady. Olardyń qoǵamǵa beıimdelýi úshin jumysqa ornalasýǵa kómek, psıhologıalyq jáne áleýmettik qoldaý kórsetilmek.
Kimderge amnıstıa qoldanylǵan joq?
Zań boıynsha aýyr qylmys jasaǵandarǵa keshirim jasalmaıdy. Amnıstıa kelesi sanattaǵy adamdarǵa múldem taralmady:
1. Jemqorlar, ekstremıster men terrorıster;
2. Pedofılder;
3. Azaptaý áreketterin jasaǵandar;
4. Qylmysty qaıtalap jasaǵan resıdıvıser.