Qazaqstandyq tenısshi Aleksandr Býblık kásibı mansabyndaǵy eń iri jetistikke qol jetkizdi. Gonkongta ótken ATP 250 týrnıriniń fınalynda álemniń aldyńǵy qatarly tenısshilerin qapy qaldyrǵan otandasymyz chempıon atandy, - dep habarlaıdy aqshamnews.kz tilshisi.
Kezdesý eki sette aıaqtalyp, esep 7:6, 6:3 bolyp Aleksandrdyń paıdasyna sheshildi.
Aıta keteıik, Býblık tarıhı rekord ornatty: Gonkongtaǵy týrnırde jeńiske jetip, ol ATP erler arasyndaǵy jekeleı synda álemdik reıtıńtiń top-10-na engen alǵashqy qazaqstandyq atandy.
Bul jeńistiń baǵasy tek chempıondyq kýbokpen ǵana shektelmeıdi. Gonkongtaǵy týrnırden keıin Aleksandr Býblık reıtıńtik upaılaryn edáýir eseledi.
12 qańtarda jarıalanatyn jańa ATP reıtıńinde Aleksandr Býblık óz mansabynda alǵash ret álemniń 10-raketkasy atanady.