Depýtat Edil Jańbyrshınniń aıtýynsha, bul zań jobasy radıoaktıvti qaldyqtarmen jumys isteý salasyndaǵy quqyqtyq negizder men qaǵıdattardy belgileýge baǵyttalǵan.
"Zań jobasynda radıoaktıvti qaldyqtardy jikteý, olarmen jumys isteýdi memlekettik retteý, azamattardyń, qoǵamdyq birlestikter men uıymdardyń quqyqtary men mindetteri qarastyrylǵan. Sonymen qatar, halyqaralyq tájirıbege sáıkes, radıoaktıvti qaldyqtarmen jumys isteý boıynsha ulttyq operator qurý kózdelgen. Bul operatorǵa radıoaktıvti qaldyqtardy kómý pýnktterin salý jáne paıdalaný boıynsha aıryqsha quqyq beriletin bolady", – dedi depýtat.
Onyń aıtýynsha, zańnamalyq qaıshylyqtardy joıý maqsatynda ilespe zań jobasy aıasynda Ekologıalyq kodekske, Atom energıasyn paıdalaný týraly jáne Ruqsattar men habarlamalar týraly zańdarǵa túzetýler engizý usynylady.
Sonymen qatar:
"Jekelegen talaptarǵa sáıkes, Jerasty baılyqtary jáne jer qoınaýyn paıdalaný týraly kodekske de ózgerister engiziledi. Bul zań jobalaryn qabyldaý radıoaktıvti qaldyqtarmen qaýipsiz ári tıimdi jumys júrgizýge, sondaı-aq qorshaǵan orta men halyq densaýlyǵyna tónetin qaýip-qaterlerdi azaıtýǵa múmkindik beredi", – dedi Májilis depýtaty.