Qalyńdyqty urlaý boıynsha sotqa deıingi tergep-tekserý bastaldy
Neke aldaý men zorlyq-zombylyqtan bastalmaýy kerek – Shymkent qalasynyń prokýratýrasy áıelder quqyǵyn qorǵaýda naqty ustanymdardy qoldaıdy.
Qalyńdyqty nekege turý úshin urlaý bul ótkenniń jádigeri.Qyzdy alyp qashqan jigitter aýyr jazaǵa tartylatynyn túsine bermeıdi.
Qazirgi ýaqytta qyzdy urlaý tájirıbesi joıylýda, onyń ústine bul adam quqyqtary men qadir-qasıetine nuqsan keltiredi.
Qoǵamda mundaı áreketter áıeldi qorlaý, zorlyq-zombylyq kórsetý bolyp tabylady.
Aǵymdaǵy jyldyń 16 qańtarynda Shymkent qalasy polısıasynyń kezekshi bólimine azamatsha M.A. qyzyn úılený maqsatynda belgisiz er azamattyń urlap ketkeni týraly kórsetken.
Atalǵan fakti boıynsha Qazaqstan Respýblıkasynyń Qylmystyq kodeksniń 125-baby 2-bóliginiń 1) tarmaǵynyń negizinde (adamdy urlaý) sotqa deıingi tergep-tekserý bastalyp, nátıjesinde Mańǵystaý oblysynyń «G» esimdi turǵyny ustalyp, eki aıǵa qamaýǵa alyndy.
Tergep-tekserý barysynda barlyq mán-jaılar anyqtalatyn bolady.
Mundaı qylmysty jasaǵany úshin kinálilerdiń múlki tárkilenip, olarǵa qatysty jeti jyldan on eki jylǵa deıingi merzimge bas bostandyǵynan aıyrý jazasy qoldanylýy múmkin.
Qazaqstan Respýblıkasy Qylmystyq prosestik kodeksiniń 201-babynyń talaptaryna sáıkes basqa aqparat jarıa etýge jatpaıdy.
İs qala prokýratýrasynyń erekshe baqylaýynda.