18 mln halqy bar shaharda avtonomdy kóliktiń qozǵalysyna resmı túrde ruqsat berilgen, dep habarlaıdy Almaty-akshamy.kz «Habar 24»-ke silteme jasap.
Robotaksı túrli sensorlarmen jabdyqtalǵan. Kólik basqaratyn oryn bos bolǵanmen, qasyndaǵy oryndyqta júrgizýshi mindetti túrde otyrýǵa tıis. Bul - joldaǵy qaýipsizdikti saqtaý úshin qajet shara. Erejege sáıkes, jol apaty kezinde mundaı kólik kimniń basqarýynda bolsa, onda sol adam jaýapkershilikke tartylady. Al robotaksı rúlde eshkim bolmasa, onda kólik ıesi jaýapqa tartylýy múmkin. Degenmen joǵary tehnologıaǵa jaýapty kompanıa úshin robotaksı qyzmetine ruqsat berilýi úlken jeńis. Osylaısha qaladaǵy joba kóshedegi qozǵalystyń qarqynyn baǵamdap, joldaǵy qaýip jaıly kóbirek málimet ala alady. Mundaı derekter robotaksı qyzmetin jetildirýge sep bolmaq.
- Mundaı tehnologıanyń avtokólik óndirisine zor yqpaly tıetini sózsiz. Mine, qazir robot kólikti synaý aýmaǵy keńeıdi. Iaǵnı, robotaksıdiń kómegimen avtonomdy basqarýdy jıirek synaı alamyz. Aıtpaǵym, málimet neǵurlym kóp bolsa, algorıtmdi jetildirý soǵurlym tez bolmaq, - deıdi Joǵary tehnologıalar kompanıasynyń atqarýshy dırektory Maksvell Chjoý.