Baǵdarlama «Ómirdi saqta» dep atalady.
Onyń daıyndyǵyn QR Qorǵanys mınıstrligi áskerdegi ólim-jitimdi boldyrmaý men tárbıe jumysy júıesin jetildirý úshin qolǵa alǵan, dep habarlaıdy Almaty-akshamy.kz QazAqparatqa silteme jasap.
«Áskerdegi ólim-jitimdi azaıtý maqsatynda kúndelikti nusqaýlyqtar, qaýipsizdik sharalary boıynsha sabaqtar, tárbıelik jáne áleýmettik is-sharalar uıymdastyrylady. Sonymen qatar sarbazdar arasynda jeke jáne jasyryn saýalnamalar júrgiziledi. Odan bólek quqyq buzýshylyqtardyń aldyn alý maqsatynda jeke qurammen jumys isteýdiń zaman talabyna saı ádisteri qoldanylady. Onyń ishinde synı turǵydan oılaý tehnologıasy men keıs-stadı ádisi bar. Ol jerde qateler men olqylyqtar boıynsha naqty mysaldar keltirilip, qaralady», - delingen mınıstrlik habarlamasynda.
Sonymen qatar mınıstrliktiń málimetinshe, áskerı bólimderde Ashyq esik kúni, "Suraq-jaýap" keshi, "Prokýror saǵaty" jáne "Kóshpeli sot" sharasy uıymdastyrylady.
«Jas sarbazdarǵa áskerı tárbıe berýde qoǵamdyq uıymdar jáne ınstıtýttarmen birlesip atqarǵan jumystyń mańyzy erekshe. Sarbazdardyń ata-analary, bólimshe komandırleri men tárbıe qurylymy ofıserleriniń qatysýymen arnaıy chattar jumys isteıdi. Sol sıaqty áskerı mindetin óteýshilerdiń apta saıyn ata-analarymen telefon arqyly sóılesý múmkindigi bar», - deıdi vedomstvodan.
Odan bólek, Qorǵanys mınıstrligi áskerdegi ólim-jitimdi boldyrmaý men tárbıe jumysy júıesin jetildirýge baǵyttalǵan «Ómirdi saqta» atty vedomstvoaralyq baǵdarlama daıyndaý boıynsha jumystyń bastalǵanyn habarlap otyr.
«Atalǵan baǵdarlama uzaq merzimdi perspektıvany kózdeıdi. Baǵdarlama áskerı ortada ólim-jitimniń aldyn alýdyń maqsattary men mindetteri, erejeleri men negizgi baǵyttaryn aıqyndaıtyn strategıalyq qujat. Bul qujat áskerı qyzmettiń ereksheligi men jaı-kúıin eskere otyryp, oǵan sáıkes keletin vedimistik is-sharalar josparyn ázirleýge negiz bolady», - delingen habarlamada.
Sarbazdardyń qaýipsizdigin qamtamasyz etý úshin «Pıramıda», «Jaýyngerlik dos» jáne «Naparnık» baǵdarlamasy qoldanylady. Sondaı-aq, kazarmalarda beınebaqylaý kameralary men senim telefony jumys istep tur.
«Kún saıyn áskerı polıseıler jáne bólimniń medısına qyzmetkerleriniń qatysýymen sarbazdardy qarap-tekserý júrgiziledi», - dep tolyqtyrdy mınıstrlikten.