Almaty turǵyndary jer silkinisin sezdi, dep habarlaıdy almaty-akshamy.kz.
«19 jeltoqsan kúni saǵat 07:44-ta Almaty qalasynda jer silkinisi tirkeldi. Eshqandaı zaqym bolǵan nemese qıraǵan jaǵdaı baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq», - delingen Tótenshe jaǵdaılar departamentiniń málimetinde.
«Seısmologıalyq tájirıbe ádistemelik ekspedısıasy» MM seısmıkalyq stansıalar jelisiniń dereginshe, zilzala oshaǵy Almaty qalasynan 347 shaqyrym jerde, Almatydan ońtústikke qaraı Qytaı aýmaǵynda ornalasqan.
Energetıkalyq sanaty – 12.6 MPV, magnıtýdasy – 6.0. Tereńdigi – 10 shaqyrym. MSK-64 baǵany boıynsha Almatyda 2 bal qýatymen sezilgen.